Ukrayna və Moldovanın yolu ilə getməyəcəyik - Papuaşvili
Bizi izləyin

Region

Ukrayna və Moldovanın yolu ilə getməyəcəyik - Papuaşvili

Ukrayna və Moldovanın yolu ilə getməyəcəyik - Papuaşvili

Gürcüstan Avropa İttifaqına (Aİ) üzv olmaq naminə öz suverenliyindən və ərazi bütövlüyündən imtina etməyəcək.

Publika.az xəbər verir ki, bu barədə Gürcüstan parlamentinin sədri Şalva Papuaşvili bəyanat yayıb.

Spiker bildirib ki, Tbilisi üçün avrointeqrasiya "özünəməqsəd" deyil. Xüsusilə də, əgər bu yol dövlətçiliyin, milli kimliyin və daxili siyasəti müstəqil müəyyən etmək hüququnun itirilməsi ilə nəticələnəcəksə, Gürcüstan bu addımı atmayacaq.

"Gürcüstan heç vaxt Ukrayna və Moldovanın seçdiyi yolu seçməyəcək. Bu yol ərazi güzəştləri və ya dövlətçiliyin ləğvi hesabına Aİ üzvlüyünü nəzərdə tutur", - deyə Papuaşvili vurğulayıb.

Sədr Almaniya kansleri Fridrix Mertsin Ukraynanın Aİ-yə üzvlüyü üçün ərazi güzəştlərinə getməli ola biləcəyi barədə fikirlərini və Moldova prezidenti Maya Sandunun Rumıniya ilə birləşmə ideyasını xatırladaraq, bu ssenarilərin Gürcüstan üçün qəbulolunmaz olduğunu qeyd edib.

Müəllif: Adəm

Oxumağa davam et
Reklam
Reklam

Gündəm

Zəfaran Hospital
Səba