Türkiyədə DƏHŞƏTLİ QƏZA: - 4 nəfər öldü, çox sayda yaralı var / YENİLƏNDİ

Türkiyənin Malatya vilayətinin Doğanşehir rayonunda sərnişin avtobusu dərəyə aşıb.

Publika.az xəbər verir ki, ilkin məlumatlara görə, Malatya-Adıyaman yolunda baş verən qəza nəticəsində dörd nəfər ölüb, 15 nəfər yaralanıb.

Hadisə yerinə polis, jandarma, səhiyyə və yanğınsöndürmə qrupları göndərilib.

Malatya valisi Seddar Yavuz yol-nəqliyyat hadisəsi ilə bağlı araşdırma aparıldığını bildirib.

xxx

21:00

Türkiyənin şərqindəki Malatya vilayətində sərnişin avtobusu yoldan çıxaraq dərəyə aşıb, nəticədə dörd nəfər həyatını itirib.

Publika.az xəbər verir ki, bu barədə “TRT Haber” məlumat yayıb.

Bildirilib ki, qəza Doğanşehir rayonunda, Malatya - Adıyaman magistral yolunda baş verib. Hadisə yerindən çəkilən görüntülərdə avtobusun aşdığı və yolun kənarında böyrüüstə qaldığı görünür. Ərazidə həkimlər, polislər və xilasedicilər fəaliyyət göstərir.

İlkin məlumatlara görə, qəza zamanı ümumilikdə 15 Türkiyə vətəndaşı xəsarət alıb.

Hüseyn İbadlı