Paşinyanın İrana səfəri niyə baş tutmur?

Ermənistanın baş naziri Nikol Paşinyanın İrana səfərinin tarixi hələ müəyyən edilməyib.

Publika.az xəbər verir ki, bu barədə İranın Ermənistandakı səfiri Xəlil Şirqolami " İrəvan Dialoqu" beynəlxalq konfransında "Sputnik Armenia"ya verdiyi müsahibədə bildirib.

Səfər zamanı İrəvan və Tehran arasında strateji tərəfdaşlıq haqqında sənəd imzalanacaq.

Fevral ayında Ermənistan və İranın strateji əməkdaşlıq haqqında hərtərəfli sənəd imzalamağı planlaşdırdığı bildirilmişdi.

"Ümumi səfər ideyası səsləndirildi, lakin sonra İrana qarşı müharibə də daxil olmaqla bir sıra hadisələr baş verdi və ölkə tamamilə təcavüzə qarşı mübarizəyə yönəldi. Nəticədə bəzi layihələr təxirə salınmalı oldu, gözləməliyik", - deyə diplomat bildirib.

Ermənistanda keçirilən Avropa Siyasi Birliyinin sammiti fonunda o, İrəvanın potensialından və mövcud imkanlarından istifadə edərək müxtəlif geosiyasi aktorlarla balanslı tərəfdaşlıq münasibətlərini qoruyub saxlaya biləcəyinə ümid etdiyini bildirib:

"Regiondakı bütün oyunçuların maraqlarının və narahatlıqlarının nəzərə alınması vacibdir".

İranlı diplomat regionda sabitliyin və əməkdaşlığın gücləndirilməsini vacib hesab edir.

Müəllif: Tural