Anna bunkerdə oturub əsgərlərimizin dronla parçalanmasını izləyirdi - Erməni əsgər anası

Ermənistanda revanşistləri təmsil edən siyasi qüvvələr seçkilərə görə daha da fəallaşıblar.

Publika.az xəbər verir ki, keçmiş prezident, hərbi cani Robert Koçaryan müharibədə öldürülmüş əsgərlərin analarından seçki kampaniyasında alət kimi istifadə etməyə başlayıb. Belə valideynlərdən biri Koçaryanın Armavirdə seçicilərlə görüşü zamanı qalmaqallı çıxışlar edib.

Koçaryana yaxınlaşan qadın deyib: "Paşinyan əvvəlcə "Qarabağ Ermənistandır və nöqtə" deyirdi. Sonra uşaqlarımızı yığıb qurban verməyə apardı. İndi isə əvvəlki fikrinin əksini deyir. Mən oğlumla heç vidalaşmadım da. Anna Hakobyan isə deyir ki, "mənim ailəm də Qarabağda idi, amma Qarabağ erməniləri qaçdılar... Onlar bizi günahlandırır, vəziyyəti daha da pisləşdirir, xəyanətə uğradığımızı deyirlər. Amma mən sonda ağ libas geyinib Anna ilə eyni masada otura bilməzdim. Oğlumdan imtina etməliyəm? Müharibə vaxtı bunkerdə olan Anna Hakobyan deyir ki, "Mən ailəmi qurban verirdim". Ancaq o, döyüş meydanında deyildi axı, bunkerdə oturub qəhvə içirdi... Anna Hakobyan sadəcə bunkerdən uşaqlarımızın dronlarla necə parçalandığını izləyən bir qadın, ermənidir".

Müəllif: Tural