Region

ABŞ İranın cənubuna zərbələr endirdi - SEPAH-a ağır itki

26 May 2026 08:10

İran mediasının yaydığı məlumatlara görə, ABŞ-ın İranın cənub hissəsində yerləşən bir sıra hədəflərə zərbələr endirməsi nəticəsində SEPAH üzvləri ölüb.

Publika.az bildirir ki, 4 SEPAH üzvünün öldüyü bildirilir.

Ölənlərin kimlikləri açıqlanmayıb.

***

ABŞ qüvvələri İranın cənubunda bir neçə hədəfə zərbə endirib.

Publika.az xəbər verir ki, bu barədə "Fox News" kanalı ABŞ Mərkəzi Komandanlığının (CENTCOM) sözçüsü Tim Hokinsə istinadən məlumat yayıb.

"ABŞ ordusu İran qüvvələrinin yaratdığı təhdidlərdən qüvvələrimizi qorumaq üçün ölkənin cənubunda özünümüdafiə hücumları həyata keçirib. Hədəflər arasında raket buraxılış məntəqələri və İran qayıqları da olub", - deyə o bildirib.

Məlumata görə, ABŞ ordusunun hücumuna məruz qalan qayıqlar mina yerləşdirməyə cəhd göstərib.

Qeyd edək ki, bundan əvvəl İranda partlayış səsələrinin eşidildiyi barədə məlumatlar yayılmış, ancaq baş verənlərin detalları açıqlanmamışdı.