Paşinyan Rusiyanı narahat edən məsələ ilə bağlı bəyanat yaydı: Xalq həll edəcək

Ermənistanın Baş naziri Nikol Paşinyan bildirib ki, respublikanın Avrasiya İqtisadi Birliyinə (AİB) üzvlüyünün taleyini özü deyil, ölkə xalqı həll edəcək.

Publika.az xəbər verir ki, o, bu açıqlamanı seçicilərlə görüşündə verib və görüş 24news televiziya kanalının “YouTube” kanalında yayımlanıb.

“Deyirəm ki, Ermənistan xalqının AİB və ya Aİ-nin bir hissəsi olmaq üçün alternativi olmalıdır”, - deyə siyasətçi vurğulayıb.

Paşinyan bildirib ki, məqsədi ölkə xalqına seçim edə biləcəkləri alternativlər təqdim etməkdir. O, həmçinin respublikanın hər bir vətəndaşını "ən güclü" adlandırıb.

Bu açıqlama Paşinyanın bölgələrə seçki kampaniyası zamanı verilib. Ermənistanda parlament seçkiləri iyunun 7-də keçiriləcək.

Paşinyan əvvəllər bildirmişdi ki, Ermənistanın AİB-dəki statusu yalnız Ermənistanın özü tərəfindən müzakirə edilə bilər. O əlavə etmişdi ki, üzvlüyün ləğvi qərarı təkbaşına Ermənistan tərəfindən veriləcək, başqa heç kim tərəfindən verilməyəcək.

Müəllif: Tural