Ermənistanın paraddakı "Canavar"ları saxta çıxdı: Kəşfiyyatı belə aparacaqlar?

Xəbər verdiyimiz kimi iki gün öncə Ermənistanda hərbi parad keçirildi.

Publika.az xəbər verir ki, yeni silah-sursat və texnikalarını nümayiş etdirən Ermənistan hakimiyyəti erməni ekspertlərin sərt tənqidləri ilə üzləşirlər. Məsələn, "Mamul" nəşri siyasi şərhçi Hakob Badalyanın parad zamanı üzə çıxardığı fakt barədə yazıb. Badalyan deyib:

"Paradda mənə bir şey maraqlı gəldi. Hərbi parad zamanı nəqliyyat vasitələrinə quraşdırılmış "Canavar" adlandırılan kəşfiyyat robotları insanların yanlarından keçib getmirdi, sadəcə maşınların üzərində idi. Hərçənd onlar meydandan sərbəst şəkildə keçsəydilər, bu daha təsirli olardı.

Sonra Böyük Tiqran küçəsindəki "nümayiş" zamanı isə əsgərlər bu "Canavar" robotlarını sadəcə idarə edir, onların yanında və ya arxasınca pultla gəzirdilər.

Sual yaranır: Məgər bu robotlar məsafədən idarə olunamamalıdırlar? Hərbçilər onları uzaqdan idarə edə bilmirlər? Çünki bu cür robotları idarə edənlər görünməməlidirlər.

"Canavarlar" kəşfiyyat zamanı da belə idarə olunacaqlar? Məgər onlar kəşfiyyatı belə aparmalıdırlar? Pultlu əsgərin robotların yanında gəzməsi ilə kəşfiyyat olar? Bəs niyə hərbi parad zamanı və ya Tiqran küçəsində onlardan dediyim kimi məntiqli şəkildə istifadə olunmadı?".

Müəllif: Tural