Əraqçi: “Bu cür məlumatlara ciddi yanaşmaq lazım deyil”

Tehran və Vaşinqton mümkün razılaşmanın bağlanması ilə bağlı mesaj mübadiləsini davam etdirirlər.

Publika.az xəbər verir ki, bu barədə "Tasnim" agentliyi İranın xarici işlər naziri Abbas Əraqçinin bəyanatına istinadla məlumat yayıb.

Nazir əlavə edib ki, dəqiq bir nəticə əldə olunana qədər hər hansı bir mühakimə yürütmək mümkün deyil. Abbas Araqçi bildirib ki, hazırda mediada səslənən bütün fikirlər yalnız fərziyyələrdən ibarətdir və bu cür məlumatlara ciddi yanaşmaq lazım deyil.

Mayın 29-da İranın "Fars" agentliyi İran və ABŞ arasında hazırlanan saziş layihəsinin təfərrüatlarını dərc edib. Məlumata görə, Tehran xaricdə dondurulmuş aktivlərindən 12 milyard dollar vəsait əldə etmək istəyir. Bundan əlavə, İran tərəfi təkid edir ki, sanksiyalar və nüvə proqramı ilə bağlı məsələlər Livanda atəşkəs əldə olunduqdan və dondurulmuş aktivlər geri qaytarıldıqdan sonra müzakirə ediləcək. Bununla belə, sənəddə atom obyektlərinin sökülməsi və İranın nüvə materiallarının utilizasiyası nəzərdə tutulmur.

Hüseyn İbadlı