Paşinyan yeni seçkilərə hazırlaşır: Kimləri neytrallaşdıracaq?

Ermənistan hökuməti meqa-icmalar yaratmaq niyyətindədir və artıq icmaların genişləndirilməsini təklif edən qanun layihəsi dövriyyəyə buraxılıb.

Publika.az xəbər verir ki, bu barədə “Hraparak” nəşri yazıb.

Məqalədə bildirilir ki, birinci mərhələdə Ararat bölgəsinin Ararat və Vedi icmalarının birləşdirilməsi nəzərdən keçirilir və layihədə icma klasterlərinin yaradıldığı qeyd olunur.

"Ararat" adlanan klasterə 32 yaşayış məntəqəsi daxil olmaqla Ararat və Vedi icmaları daxil olacaq.

İkinci icma klasteri Lori bölgəsindəki Vanadzor olacaq və bura hazırkı Vanadzor və Pəmbək icmaları daxil olacaq və sonuncuya 22 yaşayış məntəqəsi daxil ediləcək. Beləliklə, təklif olunan proqram 4 icmanı, 54 yaşayış məntəqəsini əhatə edəcək və onlar birləşdirilərək 2 icma təşkil edəcək.

Nəşr iddia edir ki, bu proses yerli özünüidarəetmənin inkişafına yönəlməyib, seçkiqabağı dəqiq hesablamalar ehtiva edir.

“Bir vaxtlar müxalifətçi deputat Nikol Paşinyan bu prosesi sərt tənqid edərək iddia edirdi ki, bu, "kəndlərin tərk edilməsinə" gətirib çıxarır və bu gün onun rəhbərlik etdiyi hökumət bu siyasəti davam etdirməklə yanaşı, həm də ona yeni təkan verir. Genişlənmədən sonra seçkilər keçiriləcək və aydındır ki, Paşinyan artıq qarşıdan gələn seçkilər haqqında düşünür, arzuolunmaz icma liderlərini neytrallaşdırmağı hədəfləyir”, - məqalədə deyilir.

Müəllif: Tural