Ermənistan hökumətinin tərkibi dəyişəcək? - Paşinyan açıqladı

Ermənistanın Baş naziri Nikol Paşinyan hökumətdə heç bir kadr dəyişikliyi etmək niyyətində olmadığını açıqlayıb.

Publika.az xəbər verir ki, Paşinyan bu barədə Ermənistan hökumətinin iclasından sonra keçirilən brifinqdə bildirib.

“Hökumətdə heç bir dəyişiklik planlaşdırmıram. Hökumət üzvləri -baş nazirin müavinləri və nazirlər - yenidən təyin olunacaqlar. Müəyyən dəyişikliklər digər səviyyələrdə də baş verəcək”, - Paşinyan deyib.

Ermənistanda parlament seçkiləri 7 iyun 2026-cı ildə keçirilib. Rəsmi nəticələrə görə, Milli Məclisə üç siyasi qüvvə daxil olub: “Mülkü Müqavilə” Partiyası səslərin 49,7456%-ni (726.819 səs), “Güclü Ermənistan” bloku 23,2710% (340.060 səs) və “Ermənistan” bloku 9,9231% (144.983 səs) toplayıb.

Yeni parlamentdə “Mülkü Müqavilə” Partiyası 64, “Güclü Ermənistan” bloku 29 və “Ermənistan” bloku 12 yer alıb. Beləliklə, hakim partiya parlament çoxluğunu qoruyub saxlayıb, lakin ölkənin Əsas Qanununu birtərəfli şəkildə dəyişdirmək üçün lazım olan konstitusiya çoxluğuna malik olmayacaq.

Müəllif: Tural