Qalibafdan MÜHARİBƏ MESAJI - “Hərbi əməliyyatlara keçməyə hazırıq”

"Tehran əldə olunmuş razılaşmaların praktiki icrasında israr edir, lakin hərbi ssenari ehtimalını da istisna etmir".

Publika.az "RİA Novosti"yə istinadal xəbər verir ki, bunu İran parlamentinin spikeri və Vaşinqtonla dialoqda danışıqlar qrupunun rəhbəri Məhəmməd-Bağır Qalibaf bildirib

"Biz dialoq aparırıq və memorandumun icrasında israr edirik. Əgər Amerika tərəfi üzərinə götürdüyü öhdəlikləri yerinə yetirməsə, biz hərbi əməliyyatlara keçməyə hazırıq", - deyə o qeyd edib.

Siyasətçi vurğulayıb ki, İran imzalanmış sazişlərin konkret şəkildə yerinə yetirilməsini hədəfləyib. Memorandumun müddəaları yerinə yetirilməyəcəyi təqdirdə, Tehran nüvə proqramı ilə bağlı sonrakı addımlardan imtina edəcək və danışıqların növbəti mərhələsinə keçməyəcək. Qalibaf həmçinin ABŞ-ı "sözünün üstündə durmayan və ilk fürsətdə İrana qarşı hərəkətə keçəcək rəqib" adlandırıb.

ABŞ və İran cümə günü, iyunun 19-da anlaşma memorandumu imzalayıblar. Sövdələşmə çərçivəsində Amerika Maliyyə Nazirliyinin rəhbərliyi İran neftinin hasilatına, tədarükünə və satışına icazə verən ümumi lisenziya verib. Sanksiyaların müvəqqəti yumşaldılması avqustun 21-dək qüvvədə olacaq.

Hüseyn İbadlı