Paşinyanın partiyasında vəzifə bölgüsü başladı: Spiker “Türkiyənin adamı” olacaq?

Ermənistanın hakim “Mülkü Müqavilə” oartiyası yeni parlamentdə vəzifə bölgüsünə başlayıb.

Publika.az xəbər verir ki, bu barədə “Hraparak” nəşri məlumat yayıb.

Nəşrin məlumatına görə, partiyanın aparat rəhbəri Arusyak Manavazyan parlament fraksiyasının lideri vəzifəsinə iddialıdır. Qeyd olunur ki, o, partiyanın maliyyə işlərinə nəzarət edir və Baş nazir Nikol Paşinyanın "gözü və qulağı" hesab olunur, bu da onu ən etibarlı adamlardan birinə çevirir.

Bu arada, pərdəarxası şayiələr yayılır ki, baş nazirin özü fraksiyaya keçmiş səfir Lilit Makuntsun rəhbərlik etməsini istəyir. Makunts əvvəlcə parlament spikeri vəzifəsinə nəzərdən keçirilirdi, lakin qəzet qeyd edir ki, Ruben Rubinyan bu vəzifəni alacaq. Hakim partiya əmindir ki, Rubinyanın seçimi yalnız xarici amillərlə bağlıdır, əsasən onun Türkiyə ilə danışıqlarda xüsusi nümayəndə kimi işi nəzərə alınır.

Partiya, həmçinin Andranik Köçəryanı Müdafiə Komitəsinin rəhbəri vəzifəsindən uzaqlaşdırmaq və onun hazırkı müavini Armen Xaçatryanı təyin etmək imkanını da müzakirə edir.

Müəllif: Tural