Region

Ərdoğanla Trampın görüş saatı açıqlandı

7 İyul 2026 08:24

Türkiyə Prezidenti Rəcəb Tayyib Ərdoğan NATO-ya 32 üzv ölkənin iştirakı ilə keçiriləcək zirvə toplantısında dövlət və hökumət başçılarını qəbul edəcək.

Publika.az Türkiyə mediasına istinadən xəbər verir ki, Ərdoğanın bu gün bəzi liderlərlə ikitərəfli görüşlər keçirməsi gözlənilir.

Belə ki, Türkiyə lideri saat 11:00-da (Bakı vaxtı ilə 12:00) Kanadanın Baş naziri Mark Karni, saat 12:30-da (13:30) isə Finlandiya Prezidenti Aleksandr Stubb ilə görüşəcək.

Saat 15:00-da (16:00) Ərdoğan ABŞ Prezidenti Donald Trampı rəsmi mərasimlə qarşılayacaq.

Ərdoğan və həyat yoldaşı Əminə Ərdoğan, saat 19:30-da (20:30) dövlət və hökumət başçıları ilə onların həyat yoldaşlarının şərəfinə ziyafət verəcək.

Qeyd edək ki, zirvə toplantısında NATO üzvü olan 32 ölkənin dövlət və hökumət başçıları ilə yanaşı, 100-ə yaxın nazir, çox sayda yüksəksəviyyəli diplomat və beynəlxalq təşkilat nümayəndələri iştirak edəcək.