Region

İrəvanda həbslər davam edir: Areqnaz Manukyan da saxlanıldı

9 İyul 2026 10:04

Əvvəllər həbs olunmuş “Ana Ermənistan” Partiyasının lideri Andranik Tevanyanın silahdaşı olan Areqnaz Manukyan (“Çiçəklənən Ermənistan” blokundan parlamentə namizəd olub) saxlanılıb.

Publika.az xəbər verir ki, bu barədə Ermənistan İstintaq Komitəsindən “Sputnik Ermənistan”a bildirilib.

İstintaq Komitəsi bildirib ki, "Areqnaz Manukyan cinayət işi üzrə istintaq çərçivəsində saxlanılıb".

Departament əlavə edib ki, onun həbsi üçün məhkəməyə vəsatət təqdim olunacaq.

Daha əvvəl bildirilirdi ki, təhlükəsizlik qüvvələri həmin səhər onun evinə basqın edib.

Xatırladaq ki, iyunun 12-də Ermənistan İstintaq Komitəsinin əməkdaşları Areqnaz Manukyanın mənzilində axtarış aparıblar. İstintaq Komitəsi bildirib ki, istintaq casusluq və dövlətə xəyanət cinayət işinin bir hissəsidir və bu işdə “Ana Ermənistan” partiyasının lideri Andranik Tevanyan (“Çiçəklənən Ermənistan” blokundan parlamentə namizədliyini irəli sürülüb) daha əvvəl həbs olunub.

Müəllif: Tural