Türkiyə NATO-nun müdafiə bankında iştirak edəcək? - Birgə bəyanatı imzalayıb, amma...

Türkiyə NATO-nun Müdafiə, Təhlükəsizlik və Dayanıqlılıq Bankına (DSRB) qoşulmaq imkanını nəzərdən keçirməyə davam edir.

Publika.az xəbər verir ki, bu barədə "Reuters" Türkiyənin Milli Müdafiə Nazirliyindəki mənbəyə istinadla məlumat yayıb.

Agentliyin məlumatına görə, yekun qərar hələ qəbul edilməyib.

Müsahibin sözlərinə görə, Ankara DSRB-nin formalaşması prosesini diqqətlə izləyib və təşəbbüsün işə salınmasından əvvəl Monrealdakı danışıqlarda iştirak edib. Mənbə, həmçinin qeyd edib ki, Türkiyə NATO-nun Ankaradakı sammiti zamanı dərc olunan bankın yaradılması haqqında birgə bəyanatı imzalayıb.

Buna baxmayaraq, aidiyyəti qurumlar arasında aparılan məsləhətləşmələrdən sonra Ankara hələlik bu yeni strukturda iştirakla bağlı öhdəlik götürməyə hazır deyil.

Müdafiə, Təhlükəsizlik və Dayanıqlılıq Bankı (DSRB) NATO sammitində təqdim olunan yeni beynəlxalq maliyyə təşəbbüsüdür. Bankın iştirakçı ölkələrin müdafiə, təhlükəsizlik və dayanıqlılığın artırılması sahəsindəki layihələrini maliyyələşdirmək üçün vəsait cəlb edəcəyi gözlənilir. Türkiyə 1952-ci ildən NATO-nun üzvüdür və alyansın müdafiə sənayesi və təhlükəsizlik sahəsindəki birgə layihələrində fəal iştirak edir.

Hüseyn İbadlı