ABŞ hərbçiləri İranda haraları hədəf alıb?

Bazar günü, iyulun 12-də Birləşmiş Ştatların silahlı qüvvələri Hörmüz boğazının strateji cəhətdən vacib rayonunda yerləşən İranın Qeşm adasına raket zərbəsi endirib. Adanın qubernatoru Hüseyn Əmir Teymurinin sözlərinə görə, Amerika hərbçiləri adadakı obyektlərə on birədək raket atıb. Onun sözlərinə görə, bütün hədəflər hərbi olub və xoşbəxtlikdən, bu hücumlar nəticəsində qurbanlar olmayıb.

Publika.az xəbər verir ki, bu bəyanat İranın IRNA agentliyinə müsahibədə verilib.

ABŞ Qeşm adasına zərbəni daha geniş hərbi əməliyyat çərçivəsində endirib, bu barədə daha əvvəl ABŞ Silahlı Qüvvələrinin Mərkəzi Komandanlığı məlumat verib.

İyulun 12-nə keçən gecə Amerika hərbçiləri İran ərazisindəki təxminən 140 hədəfə hücum edib və bu hərəkətləri Hörmüz boğazında ticarət gəmisinə edilmiş son hücuma cavab adlandırıb. Bu cəza zərbəsi ABŞ-ın son illərdə İrana qarşı həyata keçirdiyi ən genişmiqyaslı hərbi aksiyalardan biri olub. Amerika hücumlarına cavab olaraq İran da Yaxın Şərqdəki ABŞ obyektlərinə raketlər atıb ki, bu da gərginliyin daha da artmasına və qonşu dövlətlərin münaqişəyə cəlb olunmasına səbəb olub.

Bəhreyn, Qətər, Küveyt, Birləşmiş Ərəb Əmirlikləri və Omanın hava hücumundan müdafiə sistemləri döyüş hazırlığı vəziyyətinə gətirilib və İran tərəfindən hava hücumlarını dəf edib.

Hüseyn İbadlı