Ermənistanda polis məmuruna “zibil” deyən jurnalistə bu cəza verildi

Ermənistanda Gümrüdən olan jurnalist Lilit Aqekyan bir il azadlıqdan məhrum edilib.

Publika.az xəbər verir ki, bu barədə onun vəkili Zaruhi Postancyan sosial mediada məlumat verib.

Hakim Varsenik Melkonyanın qərarına əsasən, Aqekyan bir il müddətinə şərti azadlıqdan məhrum edilib. O, icazəsiz yaşayış yerini dəyişə bilməz.

"Ermənistan Cinayət Məcəlləsinin 490-cı maddəsi (hakimə, prokurora və ya digər hüquq-mühafizə orqanlarının əməkdaşlarına hədə-qorxu gəlmək və ya onlar haqqında məlumat yaymaq, yaxud onlara qarşı zorakılıq tətbiq etmək) artıq hakimiyyətin əlində söz azadlığını məhdudlaşdırmaq üçün bir "dəyənəy"ə çevrilib", - Postancyan yazıb.

Vəkilin sözlərinə görə, məhkəmənin qərarı kobud qanun pozuntularına əsaslanır və yuxarı məhkəməyə şikayət ediləcək. Postancyan hesab edir ki, bu cür qərarlar cəmiyyətdə qorxu atmosferi yaradır və jurnalistləri və fəalları susdurmaq məqsədi daşıyır.

Vəkil qeyd edib ki, iş üzrə zərərçəkmiş, Aqekyanın "zibil" adlandırdığı polis məmuru Set Meliksetyandır.

Müəllif: Tural