Yaşar Gülər etiraf etdi: Müştəri axtarırlar

Ankara əvvəllər Rusiyadan alınmış S-400 hava hücumundan müdafiə sistemlərinin mümkün təkrar satışı ilə bağlı potensial xarici müştərilərlə məsləhətləşmələri davam etdirir.

Publika.az xəbər verir ki, bunu Türkiyənin müdafiə naziri Yaşar Gülər parlament sorğularına cavab olaraq bildirib.

Nazir izah edib ki, son zamanlar müsbət baxış nümayiş etdirən ABŞ ilə dialoqun bir hissəsi olaraq, tərəflər əməkdaşlığın əvvəlki mərhələlərindən qalan mübahisəli məsələlərə qarşılıqlı məqbul həllər axtarırlar. O, həmçinin bütün milli müdafiə planlarının mövcud və proqnozlaşdırılan risklər nəzərə alınmaqla hazırlandığını vurğulayıb.

Yerli media əvvəllər hava hücumundan müdafiə sistemlərinin artıq Fars körfəzi ölkəsinə satıla biləcəyini bildirmişdi. Bu məlumatın rəsmi təsdiqi hələ alınmayıb.

Xatırladaq ki, dörd S-400-ün tədarükü üçün müqavilə 2017-ci ildə 2,5 milyard dollara imzalanıb. Məhz bu razılaşma Türkiyənin F-35 qırıcı təyyarələri proqramından kənarlaşdırılmasına səbəb olub.

Müəllif: Tural