İndoneziya vətəndaşı İrəvanda qəddarlıqla öldürüldü - Detallar bəllidir

İrəvan otelində İndoneziya vətəndaşı vəhşicəsinə qətlə yetirilib.

Publika.az xəbər verir ki, bu barədə “Sputnik Ermənistan” məlumat yayıb.

Cinayətdə onun həmvətənləri ittiham olunurlar.

İyulun 15-də İrəvanın Nork rayonundakı bir otel kompleksində qolları, ayaqları, boynu və ağzı yapışqan lentlə bağlanmış əcnəbinin cəsədinin tapıldığı barədə məlumat yayılıb.

Onun Ermənistanda işləyən 24 yaşlı İT mütəxəssisi Valent Tambuto olduğu müəyyən edildi.

Ermənistan İstintaq Komitəsi bildirib ki, dörd şəxsə qarşı "bir qrup şəxs tərəfindən qətl" maddəsi ilə cinayət işi başlanıb.

İstintaq Komitəsi bildirib ki, "Onlardan üçü həbs edilib, biri saxlanılıb - onun həbsi üçün məhkəməyə ərizə təqdim edilib".

Məlumata görə, onların hamısı İndoneziya vətəndaşlarıdır.

Qurbanın qardaşı Arnold Tambuto İndoneziya mediasına bildirib ki, şübhəli motivlərdən biri maliyyə ilə bağlı olub: şübhəlilər qurbandan borc pul götürüblər. Bundan əlavə, eyni adamlar onu sxemə cəlb etməyə çalışıblar, lakin o, bundan imtina edib.

Müəllif: Tural