Feysəl Niyaz Pakistanla Ermənistan arasında oxşar cəhət tapıb: Azərbaycanda olmuşam, tarixən...

İslamabad Bakı, Moskva və İrəvan ilə əlaqələrin möhkəmləndirilməsinə böyük əhəmiyyət verir.

Publika.az xəbər verir ki, bu barədə Pakistanın Moskvadakı səfiri Feysəl Niyaz Tirmizi TASS agentliyinə verdiyi müsahibədə bildirib.

Diplomat, Bakı ilə İrəvan arasındakı gərginliyin aradan qaldırılması fonunda Pakistanla Ermənistan arasında diplomatik münasibətlərin qurulmasını, eləcə də Ermənistanın Pakistana ilk səfirinin təyin edilməsini şərh edərək, "Ermənistan, Azərbaycan və Qafqazın Pakistanla çox oxşar cəhətləri olduğunu" vurğulayıb.

"Ermənistanla uzun illərdir diplomatik münasibətlərimiz olmayıb və son hadisələr İrəvanla normal əlaqələr qurmağın zəruriliyini şərtləndirib. Son hadisələrə nəzər salsaq, Dağıstan, Çeçenistan, Soçi, Krasnodar vilayətlərinə çox səyahət etmişəm və Azərbaycanda olmuşam. Tarixən Qafqaz regionu ilə Pakistan arasında çox böyük əlaqələr olub. Pakistan, Ermənistan və bütün Qafqaz regionu arasında bir çox perspektivlər görürəm. Və inanıram ki, Ermənistan, Azərbaycan və Qafqazın Pakistanla çox oxşar cəhətləri var", - deyə diplomat qeyd edib.

Feysəl Niyaz Tirmizi uşaqlıqdan bəri Qafqazın tarixi haqqında kitablar oxumağı arzuladığını bildirib. "Bu bölgədəki bir çox ölkəyə və əraziyə səfər etmək şərəfinə nail olmuşam. Beləliklə, bizim Qafqazla tarixi əlaqələrimiz var. Ermənistan isə onların çox vacib bir hissəsidir. İndi Ermənistan və Pakistan arasında insanlar arasında əlaqələrin və işgüzar əlaqələrin necə qurulduğunu görürəm", - deyə o, yekunlaşdırıb.

Müəllif: Tural