Pezeşkian Müctəba Xameneidən danışdı: İctimai obrazı reallığa uyğun gəlmir

İran Prezidenti Məsud Pezeşkian ölkənin yeni ali lideri Müctəba Xamenei ilə görüşlərindən danışaraq onun "məntiqliliyini, səbrini və dialoqa açıqlığını" qeyd edib.

Publika.az xəbər verir ki, Pezeşkianın sözlərini “Mehr” sitat gətirib.

İran mediasına verdiyi müsahibədə Pezeşkyan ölkə lideri ilə dəfələrlə daxili məsələləri və hökumətin işini müzakirə etdiyini bildirib.

Onun sözlərinə görə, bu görüşlər zamanı o, "ağlında olan hər şeyi açıq şəkildə ifadə edə" bilirdi və həmsöhbəti ona "anlayış və məntiqlə" cavab verirdi.

Pezeşkian deyib: "Əxlaq, məntiq və təvazökarlıq baxımından gördüyüm şəxsiyyət həqiqətən müstəsna idi".

İran prezidenti həmçinin bildirib ki, bəzən ictimai məkanda formalaşan yeni liderin imici onun öz təəssüratları ilə uyğun gəlmir.

Onun sözlərinə görə, liderə aid edilən bəzi ifadələr şəxsi təmaslar zamanı müşahidə etdiklərindən fərqlənir.

Pezeşkian əlavə edib ki, hazırkı vəziyyətdə birbaşa ünsiyyət və mövcud problemlərin müzakirəsi imkanını qorumaq vacibdir.

Müəllif: Tural