Ermənistanda müəllimlərlə bağlı acınacaqlı statistika

Ermənistanda sosial-iqtisadi problemlər təhsil sahəsinə də ciddi təsir edib.

Publika.az xəbər verir ki, bu barədə "Mamul" nəşri məlumat yayıb. Ölkənin tanınmış araşdırmaçı jurnalistlərindən olan Voskan Sarkisyan yazıb ki, son üç ildə təkcə Tavuşda müəllimlərin sayı 248, müəllim köməkçilərinin sayı isə 57 nəfər azalıb.

"Üç il əvvəl, 2 fevral 2023-cü ildə Tavuş mərzinin (vilayət-red.) rəhbəri Hayk Qalumyana bu bölgədəki dövlət ümumi təhsil məktəblərində çalışan müəllim və müəllim köməkçilərinin sayı ilə bağlı sorğu göndərmişdim. Həmin vaxt Tavuş regional administrasiyası bölgənin ümumi təhsil məktəblərində 1830 müəllim və 218 müəllim köməkçisi işlədiyini açıqladı. 2025-2026-cı tədris ilində isə Tavuş bölgəsindəki ümumi təhsil məktəblərində 1582 müəllim və 161 müəllim köməkçisi işləyib. Son üç ildə bölgənin ümumi təhsil məktəblərində müəllimlərin sayı 248, müəllim köməkçilərinin sayı isə 57 nəfər azalıb",- deyə Sarkisyan acınacaqlı durumdan gileylənib.

Müəllif: Tural