İran Hörmüz boğazının açılması şərtlərini ABŞ-a təqdim etdi

İran hakimiyyəti Hörmüz boğazının açılması şərtlərini vasitəçilər vasitəsilə ABŞ-a təqdim edib.

Publika.az xəbər verir ki, bu barədə "Tasnim"ə İranın Milli Təhlükəsizlik Şurasının katibi Möhsün Rezai məlumat verib.

"ABŞ İranın şərtlərini qəbul etməyənədək boğaz açılmayacaq. ABŞ müharibəni dayandırmalı, İranın və ümumilikdə regionun, o cümlədən Livan və Qəzzanın dondurulmuş vəsaitlərini ödəməlidir", — deyə Rezai bildirib.

O əlavə edib ki, İran ilə Oman arasında Hörmüz boğazına dair razılaşma onun açılması məsələsinə heç bir təsir göstərməyəcək.

Avqustun 11-də Hörmüz boğazının idarə olunması üzrə yeni qanun layihəsinin iki həftədən az müddətdə İranın birpalatalı parlamentinə təqdim ediləcəyi barədə məlumat verilib. İran qanunverici məclisinin Milli təhlükəsizlik və xarici siyasət komitəsinin üzvü Əbülfəzl Zöhrəvəndin dəqiqləşdirdiyi kimi, sənəd artıq ekspert işlərinin aparıldığı müvafiq komitənin gündəliyindədir.

Ötən gün Hörmüz boğazının idarə olunması üzrə qanun layihəsinin giriş hissəsi (preambulası) bəyənilib. Həmin hissədə Fars körfəzinin, Hörmüz boğazının və İran adalarının strateji əhəmiyyəti bəyan edilir.

Hüseyn İbadlı