Ermənistanda dəhşətli görüntülər yayıldı - VİDEO

Ermənistanda bir neçə vətəndaşın aclıqdan ölüm həddinə çatmasını əks etdirən görüntülər yayılıb.

Publika.az xəbər verir ki, Armavirdən olan ata və oğulun videosu sosial şəbəkələrin erməni seqmentində, mətbuatda geniş müzakirələrə səbəb olub.

Politoloq Qaqik Hambaryan videonu "Facebook" səhifəsində paylaşaraq hökumətin yürütdüyü sosial-iqtisadi siyasti sərt şəkildə tənqid edib. O, yazıb: "Bu sadəcə dəhşətdir... Nikol, bu nədir axı?!".

Tarixçi Areq Savqulyan da videonu "Facebook"da paylaşaraq iqtidarı tənqid edib: "On min avroluq velosiped sürən Arsen Torosyan, sizin sosial xidmətləriniz hanı? Şəxsən özünüz haradasınız? 21-ci əsrdə Ermənistanda insanlar aclıqdan ölürlər, siz isə buxarlanaraq yoxa çıxıb yeni super bahalı oyuncaqlar arzusundasınız?
Bu ifrat yoxsulluq, səfalət içində yatan ata və oğul mənə "erməni soyqırımı"nı və faşist gettolarında çəkilmiş tarixi fotoşəkilləri xatırlatdı. Siz Əmək və Sosial Məsələlər Nazirliyisiniz, yoxsa Yoxsulluq və Aclıq Nazirliyi?".

Müəllif: Tural