5,7 bal gücündə zəlzələ bu ölkəni SİLKƏLƏDİ

İndoneziya sahillərində 5,7 bal gücündə zəlzələ qeydə alınıb.

Publika.az xəbər verir ki, bu barədə Avropa-Aralıq dənizi Seysmoloji Mərkəzi (EMSC) məlumat yayıb.

Mərkəzin məlumatına görə, yeraltı təkanlar saat 16:25-də (Bakı vaxtı ilə 20:25) 355 min nəfərin yaşadığı Samarinda şəhərindən 359 km cənubda baş verib. Zəlzələnin ocağı 35 km dərinlikdə yerləşib.

Buna qədər Venesuelada iyunun 24-ü axşam saatlarında bir dəqiqədən az intervalla baş verən 7,2 və 7,5 bal gücündə iki güclü zəlzələdən sonra fövqəladə vəziyyət elan olunub. Yeraltı təkanlar Karakasda və bir neçə ştatda hiss edilib. Paytaxtın yaxınlığında yerləşən Mayketiyadakı Simon Bolivar adına beynəlxalq hava limanı zədələnmələr səbəbindən bağlanıb. Paytaxt metrosunun və dəmir yolu əlaqəsinin fəaliyyəti dayandırılıb. Bir neçə rayonda elektrik enerjisi və su təchizatında, həmçinin rabitə və internetə çıxışda fasilələr yaranıb. Zədələnmiş evlərdə qaz kəsilib. Həlak olanların və xəsarət alanların rəsmi sayı bir neçə min nəfəri ötüb.

Hüseyn İbadlı