İran qazı Rusiya qazına alternativ olacaq? - İrəvandan reaksiya

Ermənistanın Ərazi İdarəetmə və İnfrastruktur Nazirliyinin Regional Enerji Bazarları Departamentinin rəhbəri Ovannes Abramyanın sözlərinə görə, Ermənistanın Rusiya və İrandan mövcud qaz təchizatı sistemini dəyişdirmək planı yoxdur.

Publika.az xəbər verir ki, potensial təchizat problemləri yarandıqda İran qazının Rusiya qazına alternativ ola biləcəyi ilə bağlı suala Abramyan qeyd edib ki, İrəvan hazırda bu istiqamətdə heç bir əlavə tədbir görmür.

O, "Dünyanın Kəsişmə Yollarının Rəqəmsal Gələcəyi: Süni İntellekt, Təhlükəsizlik və İnnovativ İnfrastruktur" dəyirmi masa müzakirəsinin kəndarında jurnalistlərə bildirib ki, "Hazırda biz heç bir fövqəladə addım atmırıq - vəziyyət indiki kimi davam edir".

Abramyan izah edib ki, Rusiya qazı Ermənistana mövcud müqavilələr çərçivəsində tədarük olunur. İrandan tədarük "elektrik müqabilində qaz" proqramı çərçivəsində həyata keçirilir: Ermənistan tərəfi alınan yanacağa görə elektrik enerjisi tədarükü ilə kompensasiya ödəyir.

Xatırladaq ki, bir müddət əvvəl Ermənistanın ərazi idarəçiliyi və infrastruktur naziri David Xudatyan bildirib ki, İrəvan İran qazını Rusiya qazına alternativ hesab etmir.

İran hər il Ermənistana 400 milyon kubmetrdən çox qaz tədarük edir və bu qaz bir neçə istilik elektrik stansiyasının işləməsində istifadə olunur. 2025-ci ildə tədarükün ümumi həcmi 477 milyon kubmetr olub.

Rusiya Ermənistanın əsas qaz tədarükçüsü olaraq qalır. Rusiyanın illik tədarükü 2,2 milyard kubmetri keçərək 2025-ci ildə 2,23 milyard kubmetrə çatıb.

Müəllif: Tural