Ermənistanı ruslara viza tətbiq etməyə kim məcbur edir? - Detallar açıqlandı

Qərb Ermənistan hökumətindən Rusiya ilə viza rejiminin qurulmasını tələb edir.

Publika.az xəbər verir ki, bu barədə "Hraparak" hökumət mənbələrinə istinadən məlumat yayıb.

Bir gün əvvəl Rusiya Xarici İşlər Nazirliyinin sözçüsü Mariya Zaxarova jurnalistlərin belə bir ssenarinin mümkünlüyü ilə bağlı suallarını cavablandırarkən qeyd etmişdi ki, Ermənistan rusiyalılar üçün viza rejimi tətbiq edərsə, özünə zərər verəcək.

Nəşr qeyd edir ki, "Məhz bu, Aİ-nin bir neçə ildən sonra viza liberallaşdırılması prosesinə başlaya biləcəyi ilkin şərtdir".

Ermənistan hakimiyyəti əvvəllər bu prosesin 2028-ci ildə başlaya biləcəyini açıqlamışdı, lakin sonra son tarixi 2029-cu ilə təxirə salmışdı. Nəşr yazır ki, Qərb tərəfdaşları pərdəarxası olaraq öz tələblərini irəli sürürlər və bunlardan biri də Təhlükəsizlik Şurasının keçmiş katibi Armen Qriqoryanın hansısa vəzifəyə təyin olunmasıdır.

Rusiya Xarici İşlər Nazirliyinin bu məsələ ilə bağlı şərhindən sonra Baş nazir Nikol Paşinyan brifinqdə Ermənistanın Rusiya vətəndaşlarının girişinə məhdudiyyət qoymaq niyyətində olmadığını və əvvəllər bunun qaldırılması barədə müzakirə aparmadığını bildirib. Paşinyanın sözlərinə görə, əksinə, İrəvan Rusiya vətəndaşlarını qəbul edir, çünki ruslar Ermənistanın turizm sektorunun inkişafına mühüm töhfə verirlər.

Müəllif: Tural