İran ABŞ-ı yeni zərbələrlə hədələdi

ABŞ İslam Respublikasının gəmilərinə hücumları dayandırmayacağı təqdirdə İran Amerikanın hərbi gəmilərinə zərbələri gücləndirəcək.

Publika.az “Fars” agentliyinə istinadla xəbər verir ki, bu xəbərdarlıqla “Xatəm əl-Ənbiyə” hərbi komandanlığının Mərkəzi Qərargahının nümayəndəsi Ebrahim Zülfiqari çıxış edib.

“Bəd əməllərin, sabitliyin pozulmasının və İran gəmilərinə maneələrin yaradılmasının, eləcə də İranın dəniz blokadasının davam edəcəyi təqdirdə, İran İslam Respublikası Silahlı Qüvvələrinin regionda ABŞ hərbi gəmilərinə qarşı zərbələri əvvəlki ilə müqayisədə daha ciddi olacaq”, - deyə Zülfiqari xəbərdarlıq edib.

O həmçinin vurğulayıb ki, Tehran “bu hücumların miqyasını genişləndirmək” imkanını nəzərdən keçirir.

Daha əvvəl ABŞ-nin vitse-prezidenti Cey Di Vens bildirmişdi ki, Tehran “ticarət gəmilərini atəşə tutmağı” dayandırana qədər ABŞ İranla danışıqları bərpa etməyəcək. O bildirib ki, Vaşinqton dünya bazarlarına neft və qaz tədarükünü təmin etmək üçün gəmilərə zərbələr endirilməsini çətinləşdirmək məqsədilə bir neçə gün əvvəl müvafiq tədbirlər görüb.

Hüseyn İbadlı