İran Hörmüz boğazının tamamilə bağlandığını elan etdi

“Hörmüz boğazı gəmiçilik üçün tamamilə bağlanıb”.

Publika.az "Press TV"yə istinadla xəbər verir ki, bunu İranın Ali Milli Təhlükəsizlik Şurasının katibi, general-mayor Möhsün Rezai bəyan edib.

Rezai vurğulayıb ki, İran hərbçiləri boğazdan keçməyə çalışan ABŞ-ın qaçaqmalçılıq yolu ilə daşınan neftlə yüklənmiş gəmilərini atəşə tutur, lakin regionun ekologiyasına zərər vurmaq istəmədikləri üçün onları batırmırlar.

Generalın sözlərinə görə, ABŞ Prezidenti Donald Trampın boğazın açıq olması ilə bağlı bəyanatı “miqyaslı yalandır”.

Sentyabrın 5-də İslam İnqilabı Keşikçiləri Korpusu (SEPAH) Hörmüz boğazında ABŞ ilə əlaqəli üç gəmiyə və icazə verilməyən marşrutlarla hərəkət edən üç neft tankerinə hücumlar edildiyini bildirib.

Avqustun sonunda ABŞ prezidenti İrana qarşı yeni iqtisadi təzyiq kampaniyası elan edib və onu “iqtisadi D günü” adlandırıb. Vaşinqton Tehranın maksimum dərəcədə təcrid olunmasına nail olmağı və onun ticarət və maliyyə əlaqələrini qoruyub saxlamağa kömək edən xarici strukturları cəzalandırmağı hədəfləyir.

Hüseyn İbadlı