Ankaradan sülh açıqlaması - “Beynəlxalq dəstək olmadan mümkün olmayacaq”

Türkiyə hakimiyyəti Moskva və Kiyev arasında danışıqların İstanbulda bərpa olunacağına ümid edir.

Publika.az xəbər verir ki, bu barədə “RİA Novosti” respublika hökumətindəki mənbəyə istinadla məlumat yayıb.

“Hesab edirik ki, məhz birbaşa dialoqun davam etdirilməsi atəşkəsə və sülh yolu ilə nizamlanmaya doğru irəliləmək üçün şərait yarada bilər. Qərb ölkələrinin də bu mövqeyi dəstəkləməsi vacibdir”, - deyə mənbə bildirib.

Onun sözlərinə görə, Ukraynada nizamlanma işində davamlı nəticə əldə etmək geniş beynəlxalq dəstək olmadan mümkün olmayacaq.

Türkiyə hökumətindən qeyd olunduğu kimi, İstanbul danışıqlar üçün artıq özünü doğrultmuş meydança kimi nəzərdən keçirilir. Mənbə vurğulayıb ki, Moskva və Kiyevin bu meydançada birbaşa əməkdaşlıq təcrübəsi var.

O əlavə edib ki, Ankara həm Rusiya, həm də Ukrayna rəhbərliyi ilə əlaqələri davam etdirir. Hökumətdən vurğulayıblar ki, respublika münaqişə tərəflərinin danışıqlar masası arxasına qayıtmasına kömək etməyə hazırdır.

Sentyabrın 5-də və 6-da ABŞ Prezidentinin xüsusi elçiləri Stiv Uitkoff və Cared Kuşner Rusiya və Ukraynada səfərdə olublar, orada prezidentlər Vladimir Putin və Volodimir Zelenski ilə görüşüblər.

Rusiya liderinin köməkçisi Yuri Uşakov bildirib ki, Amerika nümayəndə heyətinin dövlət başçısı ilə görüşü məzmunlu və konstruktiv olub. Vaşinqton nümayəndələri danışıqlar zamanı hərbi əməliyyatların başa çatdırılması ilə bağlı mülahizələrini bölüşüblər.

Hüseyn İbadlı