Ruslar "ucuz" Türkiyəni itirdilər

Türkiyə tədricən ruslar üçün ucuz tətil məkanı olmaqdan çıxır.

Publika.az xəbər verir ki, bunu turizm agenti Deniz Şeker “RİA Novosti”yə bildirib.

O qeyd edib ki, Türkiyədə tətil qiymətlərinin artması əsasən otel qiymətlərinin artması ilə bağlıdır. Onlar ərzaq, elektrik enerjisi, işçi qüvvəsi, kirayə haqqı və digər məhsulların qiymətlərinin artması ilə bağlı buna məcburdurlar.

Şeker bildirib ki, "Türkiyə artıq ucuz tətil yeri olmayacaq və bu, özlüyündə problem deyil".

Onun sözlərinə görə, turistlər daha çox pul ödəsələr, lakin xidmətlərin keyfiyyətində və aldıqları məhsulun dəyərində yaxşılaşma müşahidə etməsələr, problem onda yaranacaq. Buna görə də, eyni qiymətə daha yüksək səviyyəli xidmət əldə edə biləcəkləri digər ölkələr populyarlıq qazanır.

Bodrumlu otelçi İsmayıl Karagül daha əvvəl bildirmişdi ki, Türkiyə xarici turistlərin, xüsusən də rusların itkisinə səbəb olmayacaq hər şey daxil sistemində mümkün dəyişiklikləri müzakirə edir. O, bunun konsepsiyadan tamamilə imtina etmək demək olmadığını aydınlaşdırıb.

Karagülün sözlərinə görə, sənaye nümayəndələri mövcud modeli modernləşdirmək üçün müxtəlif variantları, o cümlədən daha çevik xidmət paketlərini və otellərdən kənarda tətil edənlər üçün imkanların genişləndirilməsini nəzərdən keçirirlər.

Müəllif: Tural