Paşinyan Fransaya getdi

Ermənistanın Baş naziri Nikol Paşinyan iki günlük işgüzar səfərlə Fransaya yola düşüb.

Publika.az xəbər verir ki, bu barədə onun mətbuat katibi Melaniya Harutyunyan bildirib.

"Baş nazir Parisdə keçiriləcək Beynəlxalq Kosmik Sammitdə iştirak edəcək", - deyə o qeyd edib.

Paşinyan Fransaya prezident təyyarəsi ilə deyil, adi reyslə yola düşüb. Baş nazir təyyarənin salonundan video paylaşaraq Fransa prezidenti Emmanuel Makronla görüşmək planlarını da açıqlayıb.

Paşinyanın komandası ilə yanaşı, onu Ermənistanın xarici işlər naziri Ararat Mirzoyan, ərazi idarəetməsi və infrastruktur naziri David Xudatyan və yüksək texnologiyalar sənayesi və süni intellekt naziri Gevorq Mantaşyan müşayiət edir.

“Sputnik Ermənistan” hökumətə Paşinyanın son xarici səfərləri zamanı hökumət təyyarəsindən niyə istifadə etməməsi ilə bağlı sorğu göndərib. Baş nazir “FlyOne” reysləri ilə bir neçə dəfə belə səfərlər edib. Amma Nazirlər Kabinetindən heç bir cavab alınmayıb.

Paşinyanın Fransaya əvvəlki səfəri bu ilin mart ayında baş tutub.

Müəllif: Tural