Paşinyandan “Qərbi Azərbaycan” açıqlaması: Ciddi bir çağırışdır

"Qərbi Azərbaycan" haqqında ritorika ciddi bir çağırışdır, Ermənistanın təhlükəsizliyinə, eləcə də regional təhlükəsizliyə və bərqərar olmuş sülhə təhdiddir.

Publika.az xəbər verir ki, bunu Ermənistanın Baş naziri Nikol Paşinyan sentyabrın 17-də "Hərtərəfli Təhlükəsizlik və Dözümlülük 2026" beynəlxalq konfransında bildirib.

Onun sözlərinə görə, Ermənistan hazırda ictimai və özəl ritorika ilə bağlı çətinliklərlə üzləşir və bu, ciddi təhlükəsizlik problemləri yaradır. Baş nazir qeyd edib ki, bu çətinlik özünü müxtəlif yollarla göstərir.

“Əsas problem onların həllini necə təqdim etməyimizdir. Ermənistanda qarşılıqlılıq prinsipi ilə bağlı çoxlu müzakirələr aparılır, lakin bu, heç vaxt nəticə verməyəcək. Sülh sazişi danışıqlarının uğurlu nəticəsi mexaniki qarşılıqlılıq prinsipindən imtina etmək qərarına gəldiyimiz zaman baş verdi. Sülh sazişinin mətninin “stolüstü tennis” yanaşması ilə təkmilləşdirilməsi potensialının olmadığı bir vəziyyətlə qarşılaşdıq. Buna görə də fərqli bir yanaşma tətbiq etdik”, - deyə Nikol Paşinyan qeyd edib.

Müəllif: Tural