Paşinyan Rusiyaya meydan oxudu: Bizə hərbi baza lazım deyil, istəyirsinizsə, sabah çıxın

Bizi KTMT-dən çıxarmaqla qorxutmağa ehtiyac yoxdur: əgər bizi çıxarmaq istəyirlərsə, qoy çıxarsınlar.

Publika.az xəbər verir ki, bunu Ermənistanın Baş naziri Nikol Paşinyan 17 sentyabrda keçirilən brifinqdə "Armenian News" müxbirinin sualını cavablandırarkən bildirib.

“Bizim fikrimiz belədir: əgər bizi kənarlaşdırmaq istəyirlərsə, qoy etsinlər. Əgər bizi kənarlaşdırmaq istəmirlərsə, kənarlaşdırmasınlar. Biz heç vaxt Ermənistanda fəaliyyət göstərən Rusiya hərbi bazası məsələsini müzakirəyə çıxarmamışıq.

İndi Rusiya bunu müzakirəyə çıxarıb və biz mövqeyimizi bu müzakirə ətrafında qururuq. Deyirəm ki, 102-ci Hərbi Baza və 2022-ci ilin sentyabr hadisələri göstərdi ki, bu, Ermənistanın təhlükəsizliyi üçün həyati əhəmiyyət kəsb etmir.

İndi isə bu məsələni müzakirəyə çıxarıblar - çox yaxşıdır. Heç bir rəsmimizin Rusiya rəsmisi ilə belə bir sual qaldırması və ya belə bir mövzu qaldırması halı olmayıb. Biz də bu barədə açıq danışmamışıq. İndi çıxmaq qərarına gəlsələr, etiraz etməyəcəyik.

Açıq deyirəm: 102-ci Hərbi Bazanın mövcudluğu Ermənistanın təhlükəsizliyi üçün heç bir şey etmir. Biz bunu 2022-ci ilin sentyabr hadisələri zamanı gördük. Bizə hərbi baza lazım deyil. Rusiya dost ölkədir, əgər çıxmaq istəyirlərsə, qoy sabah çxısınlar. Əgər onlar qalmaq istəyirlərsə, biz Ermənistan Respublikasında bizə lazım olmayan bazanın mövcudluğu şərtlərini müzakirə etməyə hazırıq”, - deyə Paşinyan qeyd edib.

Müəllif: Tural