Ərdoğan Nyu-Yorkda Paşinyanla görüşdü: Azərbaycan-Ermənistan sülh prosesi müzakirə edildi - Yeniləndi

Türkiyə Prezidenti Rəcəb Tayyib Ərdoğan Ermənistanla ikitərəfli ticarət və nəqliyyat sahələrində normallaşma prosesini dəstəklədiyini və münasibətlərdə yaranmış müsbət dinamikanın davam etdirilməsinin vacib olduğunu bildirib.

Publika.az xəbər verir ki, Ərdoğan bunu BMT Baş Assambleyasının 81-ci sessiyası çərçivəsində Ermənistanın Baş naziri Nikol Paşinyanla görüşündə deyib.

Görüşdə Türkiyənin xarici işlər naziri Hakan Fidan və Ermənistanın xarici işlər naziri Ararat Mirzoyan da iştirak ediblər.

Tərəflər Azərbaycanla Ermənistan arasında sülh prosesində qarşılıqlı addımların atılmasını müsbət qiymətləndiriblər.

Ərdoğan həmçinin Türkiyə ilə Ermənistanın beynəlxalq təşkilatlar çərçivəsində inkişaf edən əməkdaşlığının normallaşma prosesinə töhfə verdiyini qeyd edib və Paşinyanı Türkiyədə keçiriləcək COP31 Liderlər Zirvəsinə dəvət edib.

***

BMT Baş Assambleyasının 81-ci sessiyası çərçivəsində Türkiyə Prezidenti Rəcəb Tayyib Ərdoğan Ermənistanın Baş naziri Nikol Paşinyanla görüşüb.

Publika.az xəbər verir ki, bu barədə Türkiyə Prezident Administrasiyasının "X" hesabında məlumat paylaşılıb.

Görüşün təfərrüatları açıqlanmayıb.