İran Pakistana görün nə təkif etdi - FOTO

İran Pakistana mədəniyyət və turizm sahələrində əməkdaşlığın inkişaf etdirilməsinə dair beşillik proqram hazırlamağı təklif edib.

Publika.az “Tasnim”ə istinadla xəbər verir ki, təşəbbüs tarixi və mədəni irsə əsaslanaraq iki ölkə arasında əlaqələri möhkəmləndirmək məqsədi daşıyır.

Bu təkliflə şənbə günü İrandakı Pakistan səfiri İmran Əhməd Sidiqi ilə görüşdə İranın mədəni irs, turizm və sənətkarlıq naziri Rza Salehi Amiri çıxış edib. Tərəflər mədəni, tarixi və turizm əlaqələrinin bundan sonra da inkişaf etdirilməsini müzakirə ediblər.

Nazirin sözlərinə görə, əgər İran və Pakistan arasında siyasi və iqtisadi münasibətlər hər iki xalqın tarixi və mədəni bağlarına əsaslanarsa, onlar daha böyük əhəmiyyət və dərinlik qazanacaqlar.

Salehi Amiri qısamüddətli razılaşmalardan konkret proqramlar ətrafında praktiki əməkdaşlığa keçməyə çağırıb. O, birgə layihələrin mərhələli şəkildə həyata keçirilməsini nəzərdə tutan beşillik strategiya və yol xəritəsinin hazırlanmasını təklif edib.

Nazir gələcək əməkdaşlığın əsas məqsədlərindən biri kimi hər iki ölkə sakinlərinin bir-birinin mədəni və sivilizasiya irsi ilə tanış olmasını qeyd edib.

Onun sözlərinə görə, Pakistanda mədəni, dini və turizm səfərlərinə böyük maraq mövcuddur, İran isə pakistanlı auditoriyaya daha geniş şəkildə təqdim oluna biləcək müxtəlif turistik görməli yerlərə malikdir.

Hüseyn İbadlı