SEPAH-ın briqada generalından Trampa xəbərdarlıq - “Həmin təcrübəni nəzərə al”

"ABŞ Prezidenti Donald Tramp İranla müharibədən dərslər çıxarmalı və Tehranın şərtlərini qəbul etməlidir".

Publika.az “Mehr”ə istinadla xəbər veir ki, bunu İran İslam İnqilabı Keşikçiləri Korpusunun (SEPAH) nümayəndəsi, briqada generalı Hüseyn Mohebi bildirib.

Onun sözlərinə görə, Tramp müharibə zamanı qarşısına qoyduğu məqsədlərdən heç birinə nail olmayıb, Birləşmiş Ştatlar ciddi iqtisadi və siyasi nəticələrlə üzləşib.

SEPAH nümayəndəsi ABŞ Prezidentini İranla bağlı gələcək qərarlar qəbul edərkən həmin təcrübəni nəzərə almağa çağırıb.

Mohebi həmçinin bildirib ki, ABŞ öz xarici və hərbi siyasətini yenidən nəzərdən keçirməlidir. Onun sözlərinə görə, Amerika rəhbərliyi İsrailin maraqlarını öz vətəndaşlarının maraqlarından üstün tutur.

“Tramp amerikalılara söz vermişdi ki, Amerika hər şeydən əvvəl olacaq, lakin bu gün ABŞ üçün birinci yerdə İsraildir”, – deyə SEPAH nümayəndəsi bildirib.

O, həmçinin Amerika hərbi xərclərinin həcmini tənqid edərək bəyan edib ki, guya ABŞ silahlı qüvvələri hərbi büdcəsi Pentaqonun xərclərinin cəmi 10 faizini təşkil edən dövlətlərə qarşı müharibə aparmağa qadir deyil.

Hüseyn İbadlı