İrandan Ermənistana açıq hədə: Sərhədimiz yaxınlığında bir ABŞ əsgərinə də dözməyəcəyik

Ermənistan parlamenti 28 oktyabr 2026-cı ildə Ermənistan və ABŞ arasında imzalanmış “Beynəlxalq Sülh və Rifah üçün Trampın Yol Xəritəsi” strateji infrastruktur və tranzit müqaviləsini təsdiqləyib.

Publika.az xəbər verir ki, İranın hərbi-siyasi elitası dəfələrlə TRIPP ilə bağlı narahatlıqlarını dilə gətirib, lakin onlar həmçinin qeyd edirlər ki, Ermənistan Respublikasının hazırkı hakimiyyəti TRIPP-in İrana qarşı bir vasitə olmayacağına zəmanət verib və buna inanırlar.

Amma İranın İrəvandakı səfiri Xəlil Şirqulami Ermənistan parlamentinin qərarından sonra narahat olmağa başlayıb.

Şiruqalmi erməni mətbuatına verdiyi açıqlama bu narahatlığını açıq şəkildə bildirib və hətta Ermənistanı hədələyib.

"Bu layihə ilə bağlı müəyyən mümkün ssenarilərlə bağlı narahatlıqlarımızı artıq çox şəffaf və aydın şəkildə təqdim etdiyimizi nəzərə alsaq, əminik ki, iki ölkə arasında müsbət və konstruktiv münasibətlər atmosferində bu yolda yarana biləcək hər hansı bir çətinliyin öhdəsindən birlikdə gələ biləcəyik. Həm TRIPP layihəsinin müzakirəsi zamanı, həm də hər hansı digər məsələ zamanı bizim üçün vacib olan odur ki, Ermənistan Respublikasının ərazi bütövlüyü və milli suverenliyi qorunub saxlanılmalı və hörmət edilməlidir... və heç bir üçüncü tərəf iki ölkə arasındakı dərin və strateji münasibətlərdə heç bir problem və ya çətinlik yarada bilməməlidir", - səfir deyib.

Şiruqlami bildirib ki, İran tərəfi bu layihə çərçivəsində ortaya çıxan hər hansı bir məsələni müzakirə etməyə kömək edəcək sabit müzakirə formatına sahib olmaq istəyir:

“Bu məsələyə yanaşmamız qərəzli deyil, ciddi narahatlıqlarımız var və Ermənistan Respublikasından bizə Ermənistan və İran sərhədində başqa heç bir xarici qüvvənin olmayacağına və heç bir şəkildə Ermənistan-İran sərhədində və bitişik ərazidə İran İslam Respublikasına təhlükə yarada bilməyəcəyinə dair zəmanət verməsini gözləyirik. Ermənistan rəsmiləri dəfələrlə bu etimadı təsdiqləyib, belə bir presedentin olmayacağını təsdiqləyiblər. Bu qarşılıqlı etimadı layihənin heç vaxt öz yolundan sapmayacağına və İrana heç bir təhlükə yaratmayacağına zəmanət kimi qəbul edirik. Təbii ki, hadisələrin sonrakı inkişafını gözləməli və prosesin necə irəlilədiyini görməliyik. İstənilən vaxt, inkişafa və şərtlərə əsasən mövqeyimizi açıqlayacağıq", - deyə İran səfiri bildirib.

Şirqulami əlavə edib ki, onlar Ermənistan-İran sərhədində, hətta beynəlxalq təşkilat adı altında, amma əslində Amerikanın təsiri altında olan hər hansı bir qüvvənin olmasına dözməyəcəklər:

“Biz sərhədimizin yaxınlığında heç bir Amerika hərbi mövcudluğuna dözməyəcəyik. Hansı sərhədin olmasının fərqi yoxdur. Amerika və xüsusən də Tramp administrasiyası artıq İrana qarşı dərin düşmənçiliyini sübut edib. Buna görə də, biz, hətta bir Amerika əsgərinin İran sərhədinin yaxınlığında olmasını birbaşa təhlükə hesab edirik və buna dözməyəcəyik”.

Müəllif: Tural