Ermənistanda pensiyaçılar üçün yeni proqram - 5500 dollar veriləcək

Ermənistanda 63-72 yaş arası vətəndaşların iqtisadi potensialının reallaşdırılması proqramı təsdiqlənib.

Publika.az xəbər verir ki, müvafiq qərar Ermənistan hökumətinin 5 noyabrda keçirilən iclasında qəbul edilib.

Bu qərar, sahibkarlıq təlimini, biznes planının hazırlanmasını və hədəf maliyyələşdirməni birləşdirərək, bu kateqoriyadan olan vətəndaşlar arasında iqtisadi fəaliyyəti stimullaşdırmaq və sahibkarlıq təşəbbüslərinin həyata keçirilməsinə yönəlmiş yeni bir dəstək aləti yaradacaq.

Proqramdan faydalananlar fərdi sahibkar kimi qeydiyyatdan keçmiş şəxslər, hüquqi şəxsin təsisçiləri və ya hüquqi şəxsin icra orqanının rəhbərləri ola bilər. Ərizələri, proqram çərçivəsində seçildiyi təqdirdə, yardım müqaviləsini imzalamadan əvvəl yuxarıda göstərilən statuslardan birini əldə etməyi öhdələrinə götürən vətəndaşlar da təqdim edə bilərlər.

Maliyyə yardımı üçün müraciətlər təhsil proqramını bitirmiş və müvafiq sertifikat almış şəxslər tərəfindən təqdim edilə bilər.

Hər bir faydalanan üçün maksimum yardım məbləği 2 milyon dram (təxminən 5500 dollar – red.) təşkil edir.

Yardım banklar və kredit təşkilatları vasitəsilə təmin ediləcək, vəsait birbaşa mal və ya xidmət təchizatçısına ödəniləcək.

Müəllif: Tural