Türkiyə Parlamenti Məkkə Müdafiə Paktını təsdiqlədi

Türkiyə parlamenti Türkiyə, Səudiyyə Ərəbistanı və Pakistan arasında imzalanmış Məkkə Müdafiə Paktını ratifikasiya edib.

Publika.az xəbər verir ki, bu barədə "Anadolu" agentliyi məlumat yayıb.

Qanun layihəsinin parlamentdə müzakirəsi çərşənbə günündən başlayıb. Səsvermənin nəticələrinə görə, 279 deputat layihənin lehinə, 119 deputat isə əleyhinə səs verib. Bitərəf qalan olmayıb və qanun layihəsi qəbul edilib. Saziş Türkiyə Prezidenti tərəfindən imzalandıqdan sonra qüvvəyə minəcək.

Oktyabrın 27-də pakt Türkiyə parlamentinin Xarici əlaqələr komissiyası tərəfindən təsdiqlənib. Sənədə əsasən, iştirakçı ölkələrdən hər hansı birinə silahlı hücum hər üç ölkəyə hücum kimi qiymətləndirilir. Saziş, həmçinin hərbi əməkdaşlığın genişləndirilməsini, kəşfiyyat məlumatlarının mübadiləsini və birgə müdafiə sənayesinin inkişafını nəzərdə tutur.

Avqust ayında hərbi ekspert, beynəlxalq məsələlər üzrə jurnalist Sergey Latışev Türkiyə, Pakistan və Səudiyyə Ərəbistanı arasında müdafiə sahəsində sazişin imzalanmasının ABŞ-ın Yaxın Şərqdəki fəaliyyətinin nəticəsi olduğu barədə fikrini bildirmişdi. Onun sözlərinə görə, sənəd regionun Vaşinqtonun hərbi mövcudluğundan azad edilməsinə start verib.

Hüseyn İbadlı