Rəsmi xronika

İlham Əliyev misirli həmkarına başsağlığı verdi

9 Aprel 2017 19:13

Bu gün Misirdə kilsələrdə törədilən partlayışlarda çoxsaylı insan tələfatı ilə əlaqədar Azərbaycan prezidenti İlham Əliyev Misir prezidenti Əbdülfəttah əs-Sisiyə başsağlığı verib.

Publika.az xəbər verir ki, Azərbaycan prezidenti bildirib ki, Misirdə törədilmiş partlayışlar nəticəsində çoxsaylı insan tələfatı və yaralananlar barədə xəbər bizi olduqca sarsıdıb.

Dövlət başçısı qeyd edib ki, dinc insanlara qarşı yönəlmiş belə qəddar əməllərdən hədsiz dərəcədə hiddətlənir, dəhşətli bir bəlaya çevrilmiş terrorizmin bütün təzahürlərinə qarşı qətiyyətlə və ardıcıl mübarizə aparılmasını vacib hesab edirik: “Baş vermiş faciə ilə əlaqədar Sizə, həlak olanların ailələrinə və yaxınlarına, bütün Misir xalqına öz adımdan və Azərbaycan xalqı adından dərin hüznlə başsağlığı verir, yaralananlara və xəsarət alanlara şəfa diləyirəm”.