Rəsmi xronika

"Türkiyə heç bir şəkildə bu münaqişəyə cəlb olunmayıb" - Prezident

8 Oktyabr 2020 00:31

Türkiyə bizim üçün güclü müttəfiq, tərəfdaş və qardaş ölkədir. Əlbəttə ki, onların verdiyi bəyanatlar onların mövqeyini ifadə edir və biz bu dəstəyə görə Türkiyə hökumətinə, Türkiyə Prezidentinə və Türkiyə xalqına minnətdarıq.

Publika.az xəbər verir ki, bu sözləri Prezident İlham Əliyev “Euronews” televiziyasına verdiyi müsahibəsində səsləndirib.

Dövlət başçısı bildirib ki, Türkiyə heç bir digər şəkildə bu münaqişəyə cəlb olunmayıb:

"Ermənistan mediaya belə feyk xəbərlər yaymaqla Azərbaycan Ordusunun bacarığını azaltmaq istəyir. Biz özümüz savaşırıq. Bəli, biz Türkiyədən silahlar alırıq, lakin biz təkcə onlardan almırıq. Bizim əsas silah təchizatçımız Türkiyə deyil. Yəqin bu barədə hər kəs bilir. Beləliklə, bizim müasir türk avadanlığını, o cümlədən döyüş dronlarını almağımız faktı heç kim üçün problem olmamalıdır. Çünki Ermənistan silahları pulsuz əldə edir. Biz onlara görə pul ödəyirik, Ermənistan pulsuz alır".