• USD 1,7000 0,00% EUR 2,0095 +0,14%
    • GBP 2,3585 +0,33% RUB 0,0231 0,00%

Vitamin və mineral çatışmazlığından əziyyət çəkməmək üçün oxuyun!

Vitamin və mineral çatışmazlığından əziyyət çəkməmək üçün oxuyun!

Orqanizm hər gün lazımlı maddələrlə təmin edilməlidir. Əks təqdirdə bədəndə müəyyən problemlər baş verə bilər.

Bəs bir gün ərzində hansı vitamin və minerallardan nə qədər qəbul etməliyik?

Publika.az bu suala cavab axtarıb.

Kalsium

Gündə ən az 1000 mikroqram kalsium qəbul etməliyik. Sümüklərin sağlamlığı üçün bu, çox əhəmiyyətlidir. Süd məhsulları, qılçıqlı balıqlar və tünd rəngli yaşıl bitkilər kalsiumla zəngin olur.

Lif

Orqanizm hər gün 25 qram lifə ehtiyac duyur. Lif ürək-damar problemlərindən və şəkər xəstəliyindən qorunmağımızı təmin edir. Həmçinin uzun müddət tox saxlayır. Fındıq, susam və paxlada bol miqdarda lif var.

Maqnezium

Gündə 310 - 320 mikroqram maqneziuma ehtiyacımız var. Əzələ və sinir sistemini gücləndirib, sümükləri sağlamlaşdıran maqneziumu çərəzlərdən və balıqdan almaq olar.

Kalium

Gündəlik kalium ehtiyacı 4700 mikroqramdır. Qan təzyiqini nizamlayır, duzun orqanlara verdiyi zərəri azaldır və böyrək daşlarının yaranmasının qarşısını alır.

Kartof, pomidor, qatıq, soya lobyası, paxla və banan bol miqdarda kalsium ehtiva edir.

A vitamini

A vitaminini də gündəlik olaraq qəbul etməliyik. Qan hüceyrələrinin meydana gəlməsini təmin edir, immuniteti gücləndirir, görmə bacarığını artırır.

A vitamini ətdə, narıncı tərəvəzlərdə və göyərtilərdə bol miqdarda olur.

C vitamini

Gündə 75 mikroqram C vitamini qəbul etməliyik. C vitamini güclü antioksidantdır. Ona görə də immunitet sistemi üçün əhəmiyyətlidir. Sitrus meyvələri və kividə, həmçinin, qırmızı və yaşıl istiotda bol miqdarda C vitamini var.

E vitamini

Gündəlik olaraq 15 mikroqram E vitamini kifayətdir. E vitamini güclü antioksidantdır, gözlər üçün faydalıdır.

Taxıllar, bitki yağları, badam və fıstıq E vitamini ilə zəngindir.

Ləman Sultan

Halal Nemət

Xəbər lenti

DAHA ÇOX XƏBƏR