Sağlamlıq

Bağırsaqda çox güclü antibiotik tapıldı

23 Noyabr 2016 05:46

İnsanın bağırsağında elə maddələr var ki, onlardan çox güclü antibiotik almaq mümkündür.

Publika.az xəbər verir ki, insan bədənində mikroorqanizmləri tədqiq edən Rokfeller Universitetinin (Nyu-York) alimləri belə bir kəşf ediblər.

Onlar bağırsaqlarda yaşayan bakteriya növlərinin analizi zamanı yeni növ mikroorqanizmlər - “Rhodococcus” fəsiləsindən bakteriyalar aşkar ediblər.

Sonra alimlər həmin bakteriyalarda antibiotik elementlərini üzə çıxarmağa müvəffəq olublar. Bu elementlərə qumimitsin A və qumimitsin B adları verilib. Amerika alimləri ümid edirlər ki, qumimitsin stafilokok və streptokoklarla mübarizə aparmağa kömək edəcək.

Daha əvvəl britaniyalı alimlər ana südü zülalı əsasında antibiotik yarada biliblər. Yeni dərman qızılı stafilokok bağırsaq çöpü bakteriyalarını çox sürətlə məhv edir. (Azərtac)