Sağlamlıq

İybilmə duyğusu yox olubsa, nə etməli?

18 May 2020 18:33

“Rossiya-24” kanalının efirində həkim Aleksandr Myasnikov koronavirusun əlamətləri ilə bağlı əsas sualları cavablandırıb.

Publika.az xəbər verir ki, həkim iybilmə qabiliyyətinin itməsinin səbəblərindən danışıb.

“İybilmə qabiliyyətinin dəyişməsi COVID-19 əlamətlərindən biri ola bilər. Çünki infeksiya fonunda burun dəliyinin və selikli qişanın ödemi inkişaf edir. Bu, qoxunun normal fəaliyyətinin pozulmasına səbəb olur. Orta hesabla virusa yoluxmuş insanların 30-35%-də iybilmə duyğusunun itə biləcəyinə inanılır. Əgər daha pis qoxu hiss etməyə başlamısınızsa və ya bu qabiliyyəti tamamilə itirmisinizsə, temperatur yüksəlib, təngənəfəslik və ya öskürək yaranıbsa, mütləq həkimə müraciət edin. İybilmə qabiliyyətinin yox olması bir çox tənəffüs yoluxucu xəstəliklər və SARS üçün xarakterik əlamətdir”, - deyə həkim qeyd edib.

Aytən Məftun