Diyetoloqdan qəhvə içənlərə XƏBƏRDARLIQ: “Bədənə işgəncə verməyin”
Bizi izləyin

Sağlamlıq

Diyetoloqdan qəhvə içənlərə XƏBƏRDARLIQ: “Bədənə işgəncə verməyin”

Qəhvəni nəzarətsiz içmək insanın enerji potensialını pozur. Gecələr içsəniz, yuxuya getməkdə çətinlik çəkə bilərsiniz.

Publika.az xəbər verir ki, bu sözləri diyetoloq Yevgeni Arzamasçev “Moskva 24” kanalına verdiyi müsahibədə deyib. O, qəhvənin faydaları və zərərləri barədə danışıb. Mütəxəssisin fikrincə, gecələr qəhvə içmək sizə mənfi təsir göstərəcək: ya çətin yuxuya gedəcəksiniz, ya da yuxunun bir hissəsi daha səthi ritmdə olacaq. Nəticədə insan kifayət qədər yatmayacaq və enerji potensialını bərpa etməyəcək. Səhər özünü həddindən artıq yüklənmiş hiss edəcək.

“Əgər insan yenidən enerji toplamaq üçün qəhvə içməyə çalışırsa, o, tədricən bədəninə işgəncə verir. Qəhvə sidikqovucu olduğu üçün bədəndən enerji ehtiyatlarını çıxarır. Bu isə son nəticədə sinir sisteminin hüceyrələrinin zədələnməsinə səbəb olur” , - həkim qeyd edib.

Hər bir insanın kofeinin udma səviyyəsi fərqlidir, lakin istənilən halda içkini günortadan sonra içməmək daha yaxşıdır. Mütəxəssis səhərlər qəhvə içməyi məsləhət görür, ancaq acqarına deyil, çünki bu, qastrit və ya xoranın inkişafına səbəb ola bilər. Kəmiyyət baxımından diyetoloq gündə bir stəkandan çox içməməyi tövsiyə edir. Bu ümumi tövsiyədir, daha sonra vitamin statusu və digər amillərə baxmaq lazımdır.

Aytən Məftun

Oxumağa davam et
Reklam
Reklam

Gündəm