İdmansız arıqlamağın ən yaxşı yolu

Diyetoloq Oksana Kovılkinanın sözlərinə görə, müxtəlif və balanslaşdırılmış pəhriz arıqlamaq üçün ən əla yoldur. Eyni zamanda həddindən artıq yemək vərdişiniz varsa, həftədə 2-3 dəfə saatlıq idmanla məşğul olmaq kömək etməyəcək.

Publika.az xəbər verir ki, həkim bu barədə Ura.ru-ya müsahibəsində danışıb.

"Məşqdən sonra bir qayda olaraq yoruluruq və məişət fəaliyyəti azalır. Bədən bu şəkildə enerjiyə qənaət etməyə başlayır. Üstəlik daim eyni məşqləri yerinə yetirirsinizsə, bədən sadəcə buna uyğunlaşır və hər məşqdən sonra xərclənən enerji də azalır. Nəticədə daha az kalori yandırırsınız", - Kovılkina bildirib.

Məşq sonrası iştahın artması qeyri-adi deyil, buna görə də yalnız idmanla çəki itirmək çətindir. Həkim xəbərdarlıq edib ki, pəhrizi dəyişmədən arıqlamaq mümkün deyil.

"Ancaq ağır pəhriz saxlamağa da ehtiyac yoxdur: rahat arıqlamaq üçün orta kalorili defisit yaratmaq və fiziki fəaliyyət əlavə etmək kifayətdir", - ekspert yekunda vurğulayıb.

Aytən Məftun