Sağlamlıq

Arıqlamağa kömək edən möcüzəvi vasitə

23 Sentyabr 2023 17:32

Cənubi Avstraliya Universitetinin alimləri badamın artıq çəki ilə mübarizədə effektiv olduğunu, həmçinin ürək sağlamlığını yaxşılaşdırmağa kömək etdiyini müəyyən ediblər.

Publika.az xarici mətbuata istinadən xəbər verir ki, onların araşdırması barədə "MedicalXpress" məlumat yayıb.

Təcrübədə 25 yaşdan 65 yaşa qədər olan və piylənmədən əziyyət çəkən 106 könüllü iştirak edib. Onlar iki qrupa bölünüb, hər ikisi xüsusi pəhrizə əməl ediblər. Əvvəlcə üç aylıq aşağı kalorili pəhriz, sonra isə çəkini stabil saxlamaq üçün altı aylıq pəhriz təyin olunub. Birinci qrupdakı iştirakçılar yeməklər arasında düyü krakerləri və ya yüksək karbohidratlı şirniyyatlar, ikinci qrupa isə badam verilib.

Tədqiqatın sonunda hər iki qrup 9,3% arıqlayıb, lakin çərəz olaraq badam yeyən könüllülərin kardiometabolik sağlamlıqlarında əhəmiyyətli bir yaxşılaşma müşahidə edilib.

Bundan əlavə, çərəz onlara daha uzun müddət toxluq hiss etməyə imkan verib.