Qanı təmizləyən razyana suyu
Bizi izləyin

Sağlamlıq

Qanı təmizləyən razyana suyu

Razyana yeməklərə və xəmirdən hazırlanan piroqlara, qoğallara ləzzət qatır. Sadəcə, ləzzətmi?

Razyana insan orqanizminə faydaları ilə də məşhurdur. Xüsusilə tez-tez oynaq ağrılarından şikayət edirsinizsə, razyana suyu çox faydalıdır. Belə ki, oynaq ağrılarının səbəbi qandakı yüksək sidik turşuları ola bilər. Razyana ilə hazırlanan su qandakı artıq sidik turşusunun atılmasını təmin edir. Bundan başqa, ödü rahatladır və bunun sayəsində də qaraciyərdə yaranan yağlanmanı azaldır.

Publika.az Türkiyə mətbuatına istinadən xəbər verir ki, Razyana böyrəklər üçün də çox faydalıdır. Böyrəklər qanı süzür. Hər gün yediyimiz ərzaqlardakı toksinlər böyrəklərdə yığılmağa başlayanda sağlamlıq problemləri baş qaldırır. Razyana detoks təsiri yaradaraq böyrəklərin təmizlənməsinə də kömək edir.

Razyana suyu necə hazırlanır?

Bu ədviyyatın çoxsaylı faydalarından biri də qanı təmizləmə xüsusiyyətidir. Publika.az-ın sağlamlıq bölməsi qanı təmizləmək üçün razyanadan hazırlanan qarışığın reseptini təqdim edir:

Qarışıq 1 litr təmiz su ilə hazırlanır. Bu, normal içməli su ola bilər.

Hazırlanması:

Tavada bir ovuc razyananı 20 saniyəyə qədər qovurun. Suyu qaynadın. Qaynamağa başlayanda içərisinə qovrulmuş razyananı əlavə edin. 1 gecə saxladıqdan sonra razyana suyunu içə bilərsiniz.

Aytən

Oxumağa davam et
Reklam
Reklam

Gündəm