Sağlamlıq
Sızanağa səbəb olan qidalar
Sızanaqsız bir dəriyə sahib olmaq üçün dərinizə qulluq etmək və mütəmadi krem çəkmək kifayət deyil. Çünki gün ərzində yediklərimiz də sızanağa səbəb ola bilər.
Publika.az sızanaq yaradan qidaları təqdim edir. Bu qidalardan uzaq duraraq daha gözəl və qüsursuz dəriyə sahib ola bilərsiniz.
Süd məhsulları
Süd məhsulları bir çox insanda sızanağa səbəb olur. Xüsusən, inəklərə verilən müxtəlif hormonlar onların südünə də bu təsir göstərir.
Tam təbii süd məhsulları da insan dərisi üçün zərərsiz deyil.
Südün sızanaqların çoxalmasında rolu təcrübə ilə təsdiq edilsə də, həmin mənfi təsirin səbəbi hələlik müəyyən olunmayıb. Odur ki, süd və süd məhsullarıyla qidalandıqda sızanaqların artdığını müşahidə edirsinizsə, onları menyunuzdan çıxarın. Südün ehtiva etdiyi vitamin və mineralları başqa qidalardan əldə etməyə çalışın.
Şəkər
“Fast-food” qidalardan və şirniyyatlardan uzaq durun. Çünki bu qidaların tərkibində olan şəkər immunitet sisteminə mənfi təsir edir. Nəticədə dəridə sızanaq çıxma ehtimalı artır. Qanda şəkərin səviyyəsi qalxanda da sızanaqlar çoxalır.
Şəkərli içkilər də immunitet sisteminə pis təsir edir. Üstəlik, şəkərli içkilər daha az su içməyə səbəb olduğu üçün sağlam dərinin düşməni hesab edilirlər.
İstiotlu qidalar
Ədviyyatlı, o cümlədən, istiotlu yeməkləri menyudan çıxarın. Çünki istiot və ədviyyatların çoxu sızanağa səbəb olur. Dərinizdə qızartılar varsa, yenə istiot və ədviyyatlardan şübhələnə bilərsiniz.
Qeyd edək ki, şokoladın sızanağa səbəb olduğu iddia edilsə də, araşdırmalar zamanı bunun yanlış məlumat olduğu ortaya çıxıb. Qoz, fındıq, günəbaxan tumu və digər yağlı çərəzlər isə doğurdan da sızanaq səbəbi ola bilər.
Ümumiyyətlə, təmiz dəri naminə həddən artıq yağlı və ağır qidalardan uzaq durmaq məsləhətdir.
Ləman Sultan
-
Sosial19:35
Özünü öldürən sabiq pediatrın iş yoldaşı DANIŞDI: “Ailə məsələsi deyil..."
-
ABŞ19:25
Bayden Ukraynaya hərbi yardım haqqında qanunu İMZALADI
-
Rəsmi xronika18:40
Prezidentlər mətbuata bəyanatlarla çıxış etdilər - FOTO/YENİLƏNDİ
-
Hadisə18:33
Bakı hava limanında həyəcan siqnalı: Təyyarə qəza enişi etdi - FOTO
-
Sağlamlıq17:27
Yapon alimləri xərçənglə mübarizə üçün unikal vasitə hazırladı
-
Sosial17:00
Sabiq baş pediatrın intiharı ilə bağlı cinayət işi başlandı - Yeniləndi
-
Cənubi Qafqaz16:39
Ukrayna deputatları Vardanyanı biabır etdilər - Nobel Komitəsinə müraciət
-
MDB15:56
Həbs olunan generalla bağlı şok iddia: Boşanması uydurma olub